Вакцинацијата против Ковид-19 е чин на љубов, рече денеска папата Франциско, повикувајќи ги верниците да се вакцинираат.
„Вакцините даваат надеж дека пандемијата ќе заврши, но само ако се достапни за секого и ако работиме заедно“, нагласи римокатоличкиот поглавар.
Папата ја поддржа кампањата за промовирање на вакцинацијата во САД и другите земји од американските континенти.
„Да си вакциниран (…) е чин на љубов, а и придонесот кон тоа повеќе луѓе да бидат вакцинирани е чин љубов. Љубов кон себе, љубов кон семејството и пријателите, љубов кон сите“, рече 84-годишниот папа.
