Првото лице кај кое коронавирусот беше идентификуван минатата година во Болоња, сега e повторно инфицирано со делта варијантата на вирусот, пишува весникот „Ил Фато Котидијано“.
„Вакцинирајте се, не правете глупости како мене“, порачa 24-годишната Бјанка Доброја.
Бјанка е модел, со романско потекло, а минатата година се лекувала во болница цели 80 дена откако била заразена со Ковид-19.
View this post on Instagram
„Наивно верував дека не треба да се вакцинирам по инфекцијата. Направив и серолошки тест, имав повеќе антитела и верував дека сум заштитена. Сега ги имам истите симптоми како и пред година и пол: висока температура, главоболка, кашлица, болка по целото тело. Се надевам дека нема да завршам повторно во болница три месеци“, вели Бјанка.
Таа додава дека е жив пример дека од ковид е можно да се разболи двапати и дека не треба да се ризикува, туку треба да се вакцинира.
