Невреме кое околу 17 часот ја зафати областа Ваљево во Србија, предизвика краткотрајни прекини во снабдувањето со електрична енергија, пренесуваат српските медиуми.
Силен ветер откорна дрвја и гранки, пренесува РТС.
Некои далноводи се уште се во прекин. Екипите се на терен, а сообраќајот беше забавен на некои патишта поради гранките и остатокот од дрвјата на патот.
Пријавени се и неколку помали пожари за време на лошите временски услови.
Силно невреме го зафати и Краљeво, според објавите на граѓаните на социјалните мрежи, а во Чачак дува силен ветер.
