Во Ватикан почнува судењето на десет лица обвинети за финансиски проневери, вклучително и еден кардинал.
Официјалните лица се надеваат дека овој процес ќе биде пресвртна точка и дека ќе покаже дека никој не е над законот.
Првообвинет е кардиналот Анџело Бекиу (73), поранешен висок функционер на администрацијата на Ватикан, кој е и највисок функционер на Ватикан на кој му се суди за финансиско проневера, пренесува „Ројтерс“.
Папата Франциско, кој го укина имунитетот на Бекиу за да може да биде изведен пред лицето на правдата, го отпушти кардиналот минатата година за наводен непотизам.
Вториот обвинет за проневера при купување зграда во една од најмодерните области на Лондон е швајцарскиот адвокат Рене Бруелхарт, поранешен шеф на единицата за финансиско разузнавање на Ватикан, кој исто така ги негира сите обвинувања во обвинението.
Им се суди и на двајца Италијанци, брокерите Џанлуиџи Торцио и Рафаел Минчионе, кои, исто така, ги негираат обвинувањата.
