Лутеранска црква во Норвешка одржа церемонија за преименување на 49-годишно трансродово лице, што според официјалните власти е прв ваков настан во црква во таа нордиска земја.
Елин Стилинген во првите 40 години од својот живот живеела како маж, а минатата година законски ги сменила името и полот.
Настанот беше одбележан на саботната церемонија во средновековната црква Хоф, северно од норвешката престолнина Осло.
Стилинген рече дека ѝ е особено важно што настанот се одржува во црквата.
„Јас сум членка на норвешката црква и исто така и со новиот идентитет ќе излезам како христијанка, така што оваа церемонија е важна за мене“, рекла Стилинген во пресрет на церемонијата во саботата.
