Капитенот на селекцијата на Англија, Хари Кејн е среќен што неговата селекција утрешното финале на ЕУРО 2020 ќе го игра на домашен терен.
„Тоа што играме на `Вембли` го прави сето ова уште поголемо. Навивачите ќе ни пеат и ќе не бодрат. Ќе имаме неверојатна енергија. Не постои подобро место од `Вембли` да освоиме трофеј! Ќе биде напнато, но домашниот стадион е наша предност. СП 1966 година било сјајно. Сега ние имаме шанса да направиме уште поголема работа. Многумина никогаш не ја виделе Англија во финале, одамна била 1966. Ова е специјален момент за нас“ вели тој.
Кејн ќе мора да ги надмудри двајцата сјајни стопери на „Азурите“ – ветераните Леонардо Бонучи и Џорџо Киелини.
„Тие се сјајни дефанзивци. Добро ја читаат играта и знаат каде да се постават. Тие се воини. Ќе биде голема борба до самиот крај. Тоа е она поради кое играме фудбал. Ако сакаш да си најдобар, мораш да играш против двајцата најдобри стопери“ вели капитенот на „Гордиот Албион“.
> Кејн: Не постои подобро место од „Вембли“ за да освоиме трофеј! <
