Торнадо погоди густо предградие на Чикаго, оштетувајќи повеќе од 100 куќи. Невремето собори десетици дрвја, а на некои места електричната енергија е во целосен прекин.
Десетина лица беа повредени во торнадото што почна во неделата пред полноќ. Ветровите дуваа со околу 225 километри на час.
Најмалку осум лица се хоспитализирани во Напервил, место со 147.500 жители, каде во понеделникот беше констатирано дека 22 куќи се целосно уништени, а повеќе од 130 се оштетени.
Официјалните лица во блиската населба Вудриџ соопштија дека торнадото оштетило најмалку 100 згради, а три лица се наоѓаат во болница, додека има штети и во градот Дариен.
