Вкупната бројка на пациенти со коронавирус кои се лекуваат на инфективните одделенија во главниот град и во болниците низ земјава е 121 и има околу 500 празни болнички кревети, соопшти Министерството за здравство.
Поради намалениот број болни, болниците затворија дел од капацитетите наменети за ковид-пациенти.
Во изминатите 24 часа во ковид-центрите во Скопје има хоспитализирани тројца нови пациенти поради компликации од коронавирусот, а вкупно се лекуваат 48 лица.
„Сите одделенија на клиничките болници располагаат со болнички места до кои има довод на кислород. Министерството за здравство има увид во состојбата со капацитети и доколку има потреба одделенијата ќе бидат дополнително проширени“, се наведува во соопштението.
