Кибернетскиот напад што го осакати снабдувањето со гориво на источниот брег на САД и ги зголеми цените на бензинот можеби е инсајдерска работа спроведена од американски измамници, а не од странски хакери, тврди истакнат руски ИТ-експерт.
Наталија Касперски, основач и поранешен извршен директор на фирмата за безбедносен софтвер „Касперски лаб“, ги посочи експлозивните сомнежи во интервју за РИА Новости. Таа тврди дека ЦИА има тим од ‘дигитални воини’ кои можат да се маскираат како странски хакерски групи.
Според Касперски, групата позната како UMBRAGE е вешта во криењето на своите траги на интернет.
Постоењето на тимот најпрво излезе на виделина во низа документи објавени од „Викиликс“ во 2017 година. Во тоа време, американските медиуми пишуваа дека операторите во сенка каталогизирале хакерски методи од странски хакери, вклучително и од Русија, што ќе ѝ овозможи на ЦИА да го маскира својот идентитет користејќи го методот за време на шпионажата.
Американскиот претседател Џо Бајден вчера објави дека нападот врз американската инфраструктура бил изведен од странство.
„Ние не веруваме дека руската влада е вклучена во овој напад, но имаме силна причина да веруваме дека криминалците кои го извршија нападот живеат во Русија, од каде потекнуваат“, рече тој.
