Најнаселената австралиска држава Нов Јужен Велс го забележа својот прв локален случај на коронавирус по повеќе од еден месец. Здравствените власти работат на откривање на изворот на инфекцијата, пренесува „Ројтерс“.
Австралија во голема мера успеа да го контролира Ковид-19, но еден човек, на возраст од околу 50 години, се заразил без контакт со луѓе кои се наоѓаат во хотели кои се користат како карантин за луѓе кои доаѓаат од странство, и се позитивни на ковид, објави Министерството за здравство на Нов Јужен Велс.
Тоа е прв локален пренос на вирусот во Нов Јужен Велс од 31 март.
