Поради постоење основи на сомнение за сторено кривично дело „злоупотреба на службена положба и овластување“, СВР Охрид поднесе кривична пријава против А.О.(39) и И.Т.(53), двајцата од Скопје, вработени во Биро за метрологија – Скопје.
Пријавените, неовластено издале одобрение за единечно товарно моторно возило „Мерцедес“, сопственост на правно лице од Охрид, иако знаеле дека истото не ги исполнувало условите за такво одобрение, со што, му овозможиле на сопственикот да се стекне со материјална корист и да изврши регистрирање на возило кое според законот за возила не можело да се регистрира.
Поради изминат рок на важност на возачки и сообраќајни документи од шест или повеќе месеци, полициската станица за безбедност на патиштата во сообраќајот Охрид, во периодот од 26 декември 2020 година до 22 април 2021 година, има одземено 16 возила од кои, 15 за непродолжена важност на сообраќајна дозвола-нерегистрирани подолго од 6 месеци и 1 за проверка на техничка исправност.
