Европската Унија во средата објави дека ќе продолжи да го финансира образовниот проект за сириски деца во Турција, познат под кратенката ПИКТЕС – Промовирање на интеграција на сириските деца во образовниот систем – кој треба да се финансира најмалку уште една година, пренесува „Мидл Ист монитор“.
Шефот на мисијата на ЕУ во Анкара, амбасадорот Николаос Мајер-Ландрут, ова го соопшти за време на својата посета на јужната турска провинција Адана. Тој го потенцираше големиот успех на проектот и го истакна активниот придонес на Министерството за образование на Турција.
Многу проекти, објасни Мајер-Ландрут, се спроведуваат во Адана во рамките на програмите на ЕУ.
„ПИКТЕС“ беше лансиран на 7 октомври 2017 година. Тој има за цел да се погрижи сириските деца што живеат во Турција, според одредбите за привремена заштита на земјата, да имаат пристап до образование. Проектот, исто така, ја поддржува нивната интеграција во општеството.
