Федералната служба за безбедност на Русија (ФСБ) уапси руски државјанин во Севастопол, кој ѝ ги предаваше на Украина податоците за активностите на Црноморската флота, пишуваат руските медиуми.
„Во Севастопол е уапсен државјанин на Русија, кој наменски собирал и доставувал до Главната управа за разузнавачки работи на Министерството за одбрана на Украина податоци за активностите на Црноморската флота, кои се државна тајна. Протекувањето на овие податоци надвор од земјата може да ја оштети нејзината одбранбена способност “, се вели во соопштението на Федералната служба за безбедност.
Против ова лице е поведена кривична постапка.
