Данска ја продолжи суспензијата за употреба на вакцината против коронавирус на „Астра зенека“ за уште три недели.
Данска беше меѓу првите земји во Европа што привремено ја прекина вакцинацијата со вакцината на „Астра зенека“ пред две недели, по неколку случаи на згрутчување на крвта регистрирани во таа земја и на други места, пренесува „Ројтерс“.
Владата го извести данскиот парламент за продолжување на суспензијата утрово, објави телевизија ТВ2, повикувајќи се на неименувани извори.
