Се продаваат две мали мечиња, цена по договор… Не е шега тука оглас на една од специјализираните страници за купување и продажба на социјалните мрежи. Ништо чудно навидум освен ако се знае дека мечката е со закон заштитен вид кај нас.
Заштитата е со Законот за Ловство од1996 година и новиот од 2009 година. Сепак, некој без проблем ги огласува на интернет, дури и оставајќи свој мобилен телефон. Според коментарите на лицата под огласот толку млади мечки не може да се најдат сами, без до нив да е нивната мајка. Но таа најверојатно е убиена.
Покрај огласот стои и фотографија од двете мечиња.
Според новиот закон за лов дивеч под заштита е: срна, обичен елен, елен лопатар, дивокоза, муфлон, мечка, дива свиња, зајак, верверица, рис, видра, чакал, полв, стоболка и други.Законот е дециден и вели дека трајно се забранува ловење на: мечка, рис, дива мачка, јазовец, видра, чакал, и верверица.
