Метју Меконахи, наводно, е во завршни преговори за да ја репризира улогата од „Време за убиство“ на Џон Гришам, во ново продолжение со наслов „Време за милост“.
„ХБO“ ги стекна правата на романот од 480 страници и го развива како лимитирана серија од осум до десет епизоди, според „Дедлајн“.
51-годишниот оскаровец, кој претходно работеше со „ХБО“ за „Вистински детектив“, имаше 26 години кога ја доби главната улога на адвокатот Џејк Бриганс во оригиналниот филм.
