Полицијата во Москва соопшти дека се уапсени 200 лица кои се обиделе да организираат собир во хотел во центарот на Москва и со тоа да ги прекршат епидемиолошките мерки.
Поголемиот дел од учесниците на собирот немале заштитни маски велат полициски извори.
Полицијата исто така соопшти дека меѓу учесниците биле забележани членови на организацијата, која во Русија била прогласена за непожелна, и дека околу 200 лица биле однесени во локалните полициски станици.
Претходно руските медиуми објавија дека московската полиција уапсила 150 лица на собирот организиран од Обединетите демократи предводен од Андреј Пивоваров, поранешен лидер во организацијата Отворена Русија, основана од тајкунот Михаил Ходорковски, кој отиде во доброволен егзил.
Во полициското соопштение се вели дека митингот бил организиран од „непожелна“ организација и дека сите што дошле на собирот ќе бидат уапсени.
