Министерството за внатрешни работи информира дека вчера на територијата на град Скопје биле изречени вкупно 183 казни.
Меѓу нив за непочитување на брзина на движење казнети биле 29 возачи, девет санкции биле изречени за возење без возачка дозвола, четири за технички неисправни и нерегистрирани возила.
„Изречени се 30 казни што ги чинат пешаците, седум санкции за користење на мобилен телефон, пет за некористење сигурносен појас, седум за минување на црвено светло и 50 казни за непрописно паркирани возила“, велат од МВР.
Потсетуваат дека засилените сообраќајни контроли продолжуваат и во наредните денови.
