На прагот на март во Македонија нема ни една вакцина, Филипче најави дека ќе доцнат и кинеските, одговорност мора да има, порача опозициската ВМРО-ДПМНЕ преку соопштение.
„На лагите на Венко Филипче им нема крај. По една година од корона во Македонија слушаме само како кажува вакцините само што не дошле, ама вакцини во државава никако да стигнат.
Крај на февруари, на прагот е март во Македонија нема ни една вакцина, освен оние 8000 донирани од Србија.
Крај на февруари, на прагот е март и повторно нова лага од Филипче кој вели кинеските вакцини ќе доцнеле!
Истите требаше да стигнат во февруари, па првата недела од февруари, па по кинеска Нова година, ама се помина, еве го март кинески вакцини нема, ама „најавата“ дека ќе доцнат е тука.
И за одбиените руски вакцини, Филипче вели се понудил рускиот амбасадор во земјава да помогне. А истите тие Филипче и Заев ги одбија во декември.
За крајот на март неодамна најави доста вакцини од Фајзер, од КОВАКС механизмот, кинески.
„Ситуацијата е под контрола“ на Венко Филипче по една година резултира со 3.119 починато од корона.
Неспособноста на Филипче и Заев да набават вакцини чини човечки животи.
За ова одговорност мора да има“, наведе партијата во соопштението.
