Затворен угостителски објект во с.Чегране, а неговиот сопственик со иницијали В.Ф.(37) е приведен откако полициски службеници извршиле контрола во угостителскиот објект, информираат од Министерството за внатрешни работи.
При контролата, во објектот по истекот на работното време биле затекнати четири лица, заедно со сопственикот и било констатирано дека не биле почитувани мерките на Владата за спречување на ширењето на Ковид-19.
Објектот бил затворен од Државен пазарен инспекторат, а сопственикот бил приведен во полициска станица.
„По целосно расчистување на случајот против него ќе биде поднесена кривична пријава за непостапување според здравствените прописи за време на епидемија“, додаваат од МВР.
