Респираторите кои Босна и Херцеговина ги купи пролетта 2020 година за лекување на пациенти со најтешки симптоми на Ковид-19, беа спремни за употреба во болниците дури на почетокот од изминатата недела, пишуваат босанските медиуми.
Директорот за цивилна заштита, Енес Мемиќ, изјави дека конечно заврши постапката за проверка на исправноста на респираторите купени во Кина и испорачани во април 2020 година.
“Завршивме важна работа. Точно, сето ова можеше да се стори и порано, но сега најважно е дека дишните уреди се во здравствените установи за кои се набавени и се во употреба. Гледаме дека епидемиолошката состојба е комплицирана “, рече Мемиќ.
Кинеските респиратори, Федерацијата БиХ ги купи по итна постапка по избувнувањето на пандемијата со коронавирусот, пишуваат тамошните медиуми.
