Тројца обвинети во случајот „Монструм“ се осудени на доживотен затвор, двајца на 9 и 15 години, а еден е ослободен. Вака заврши второто судење за петкратното убиство кај Смилковското езеро.
Алил Демири, Африм и Агим Исмаиловиќ се осудени за тероризам на доживотен затвор. Првите двајца се во бегство во Косово.
Хаки Азири е осуде на девет години затвор за помагање, а за исто кривично дело е осуден и Фејзи Азирикој доби 15 години затвор.
Сами Љута доби ослободителна пресуда.
Ова е втора пресуда изречена за „Монструм“ од Основниот кривичен суд во Скопје. Во првиот процес, сите се гонеа за тероризам и добија доживотни затворски казни. Врховниот суд во 2017 година ги усвои жалбите на обвинетите и го врати случајот на повторно одлучување за утврдување на фактичката состојба.
