Работниците користеа оган за топење на снегот и мразот што ја зафатија металната конструкција на Ајфеловата кула, а снежната покривка денес го парализираше патниот и железничкиот сообраќај низ северна Франција.
Регионите на Нормандија и Бретања мораа да затворат голем број патишта поради недостаток на механизација за расчистување на патиштата.
„По ова студено време, платформите на Ајфеловата кула се замрзнати, така што ние користиме пламеници за топење на снегот и мразот затоа што има корозивно влијание врз металната конструкција“, велат од управата на Ајфеловата кула.
Делови од централна и северна Европа, како и Велика Британија, се погодени од студен бран проследен со обилни врнежи од снег, а сообраќајот е отежнат во Германија, Чешка, Белгија и Холандија .
