Утрински Весник
Свет

(Видео) Руската полиција апси демонстранти низ целата земја

(Видео) Руската полиција апси демонстранти низ целата земја

На денешните протести во Русија, организирани од приврзаниците на опозицискиот лидер Алексеј Навални, кои инаку се забранети од официјалните власти, во Владивосток, на крајниот исток на Русија, силите на редот привеле околу 100 лица.

Во Екатеринбург во регионот Свердловск, околу 2.300 луѓе се собрале на протестите, објави регионалното Министерство за внатрешни работи, а пренесе агенцијата „Тасс“.

Полицијата во Москва уапсила човек кој преку социјалните мрежи јавно ги повикувал граѓаните да излезат на протести и да се судрат со припадниците на безбедносните сили, додека во сибирските градови Краснојарск, Барнаул и Новосибирск беа приведени десетици демонстранти.

Полициската акција ги принудила организаторите на протестите да ги насочат демонстрантите на други локации.

Руската полиција досега привела 1.009 лица на протестите низ целата земја, соопшти мониторинг групата ОВД-Инфо.

Властите пред почетокот на собирите објавија дека протестите не се одобрени и дека ќе ги задушат.

Приврзаниците на затворениот опозициски лидер Алексеј Навални сепак и покрај предупредувањата и акциите против неговите сојузници, излегоа на улиците, втор викенд по ред.

Навални беше уапсен на 17 јануари додека се враќаше во Русија од Германија каде се опоравуваше од труење со нервниот агенс новичок.

Извор: makfax.mk

Можете да прочитате

Британија лансираше монети во чест на бендот „Ајрон Мејден“

Трамп: Царините ќе важат од 1 август, продолжување нема

Макрон: Европа никогаш нема да ја напушти Украина