Иранската армија објави дека ќе спроведе големи ракетни вежби во Оманскиот Залив, пренесува „Мидл Ист монитор“.
Во официјалното соопштение, иранската армија наведува дека маневрите ќе траат два дена, додавајќи дека тие ќе се одржат во регионот Конарак.
„На маневрите ќе бидат употребени бродовите Макран и Зра кои носат ракетни лансери“, се вели во соопштението.
Минатата недела беше соопштено дека иранската армија ја започнала најголемата вежба со беспилотни летала во североисточната провинција Семнан, со учество на стотици копнени, поморски и воздухопловни одбранбени сили на армијата.
