Албанија ќе донира 250.000 евра на Хрватска за реконструкција по земјотресот што ја погоди во вторникот, објави Еди Рама, премиерот на таа земја, која и самата беше жртва на земјотресот минатата година.
„Само што ја потпишав одлуката на албанската влада да донира 250.000 евра на братска Хрватска за да помогнеме во оживувањето на Петриња по разорниот земјотрес“, напиша Рама на „Твитер“.
Just signed the Government of Albania decree to donate 250k EURO to brotherly Croatia to help the rebirth of Petrinja after the devastating #earthquake! #Croatia is an example of resilience and a role model for us in its amazing transformation in a proud EU country ????? pic.twitter.com/P71enfTIVH
— Edi Rama (@ediramaal) December 30, 2020
„Хрватска е пример за издржливост и е модел за нас во нејзината неверојатна трансформација во горда држава на Европската Унија“, додаде премиерот на Албанија, која во ноември минатата година беше погодена од разорниот земјотрес од 6,4 степени според Рихтеровата скала, при што загинаа 51 лице.
