Во последните 24 часа се потврдени 2413 нови инфекции со коронавирус во Словенија, од направени над 13 000 тестови, а уште 36 лица починаа од ефектите на Ковид-19, соопшти словенечко Министерство за здравство.Во моментов има 19.284 активни инфекции, што е за 1,6 проценти повеќе од претходниот ден.
Со последните смртни случаи, според Министерството за здравство, бројот на жртвите од Ковид-19 се искачи на 2.631.Бројот на хоспитализирани лица е намален во споредба со претходниот ден, така што во моментов има 1.170 пациенти во кавид-болниците, од кои 203 се на респиратор.
Владата предупреди дека граѓаните кои ќе добијат негативен резултат не треба да имаат лажно чувство на безбедност затоа што резултатот може да биде различен доколку тестот се повтори во рок од неколку часа и рече дека сите сепак мора да се придржуваат до основните анти-епидемиски мерки.
