Министерот за здравство Венко Филипче денеска оствари средба со Драган Данаиловски на која му се заблагодари на досегашната соработка во надминувањето на пандемијата со ковид кризата и како што соопшти Министерството за здравство, било договорено да се формира неформално советодавно тело од професори во пензија од Медицинскиот факултет, со цел анализирање на тековните состојби во здравството.
„На крајот на оваа година сакам да му изразам посебна благодарност на професор д-р Драган Данаиловски за целиот придонес во ковид кризата досега. Тој исклучително стручно и конструктивно настапуваше во медиумите со што значително придонесе во информативната кампања. Покрај ова, неговите совети до мене и до целиот тим во однос на менаџментот и проекциите за развојот на пандемијата, беа од големо значење. Денеска на средбата се договоривме да се формира неформално советодавно тело од професори во пензија од Медицински факултет, со цел анализирање на тековните состојби во здравството. Верувам дека и понатаму ќе ја продолжиме соработката”, изјави Филипче.
