Ријана се најде пред нов судски спор откако германски уметници тврдат дека една од нивните песни е користена во реклама на „Фенти“ без нивно одобрение.
32-годишнта убавица од Барбадос е тужена од германско музичко дуо татко-ќерка, Кинг Кан и Саба Лу, објави порталот „ТМЗ“.
Тие тврдат дека Ријана користела нивна песна во објава на Инстаграм со која ја промовира својата модна линија „Фенти“. Во тужбата е наведено дека Кинг Кан и Саба Лу ја создале музиката и текстот за „Добри навики“, што се појавува на Инстаграм-страницата на Ријана.
Двајцата тврдат и дека Ријана немала дозвола да ја користи песната на рекламата, и дека таа ја аплоудирала од стриминг-платформа за музика.
Веста доаѓа само неколку месеци откако пејачката и моден магнат се појави на листата на „Форбс“ на најбогати жени кои сами го стекнале своето богатство.
