Денес или утре во Црна Гора ќе бидат објавени нови мерки против ширење на коронавирусот за време на новогодишните и божикните празници.
Директорот на Институтот за јавно здравје, Игор Галиќ, како гостин на ТВ Вијести, рече дека епидемиолошката крива покажува мал тренд на опаѓање, но предупреди дека интензитетот на активноста на вирусот е на многу високо ниво. Оценувајќи дека состојбата е се уште сериозна, тој ги повика граѓаните на разбирање.
„Секој вид собирање на отворен и затворен простор носи голем епидемиолошки ризик. Немаме механизми за спречување на собирање во куќите, освен да апелираме до граѓаните, бидејќи ваквиот вид собирање носи голем епидемиолошки ризик”, рече тој и додаде дека меѓу 25 и 30 проценти се позитивни во однос на тестираниот број.
