Јапонскиот премиер е фатен како ги прекршува мерките додека земјата се соочува со зголемување на бројот на лица заразени со коронавирус. Јошихиде Суга изрази „каење“ за присуството на групна вечера со познати пријатели.
Со недели јапонските здравствени власти апелираа до граѓаните да ги намалат секојдневните активности, да останат внимателни и да вечераат само во мал број за да го спречат новиот зимски бран на Ковид-19, што предизвикува бројот на дневни случаи да се искачи на највисоко ниво од почетокот на пандемијата. Суга, се чини, ги прекрши упатствата на неговата сопствена влада присуствувајќи на собир, односно вечера со седум гости. Сите тие имале најмалку 70 години и и се собрале во елитен ресторан во областа Гинза во Токио.
Во изјавата за новинарите во средата, јапонскиот премиер рече дека „се почитувало физичкото растојание помеѓу сите што биле на вечерата, но и дека сериозно жали поради критиките на јавноста“.
Во интервју за телевизијата „Нипон“, Суга рече дека задоцнил на вечерата и дека неговиот план бил само да ги поздрави гостите и да замине, но дека сепак останал таму околу 40 минути.
