Битолското основно јавно обвинителство поведе постапка против 21-годишен жител на Битола, поради сомнение дека сторил кривичното дело – разбојништво.
Осомничениот на 11 месецов, околу 23:50 часот влегол во продавница лоцирана на битолската улица „Партизанска“.
Тој бил маскиран со црна безбол капа, ракавици и заштитна маска во црна боја, се приближил до касата, од џебот извадил нож и започнал да замавнува со него, заканувајќи се по животот на вработената.
Потоа ја отворил касата и одзел 79.200 денари.
На осомничениот му е определен притвор во траење од 30 дена.
