Заедничката изјава на Ерменија, Азербејџан и Русија за Нагорно Карабах овозможи да се запре крвопролевање, изјави рускиот претседател Владимир Путин, на онлајн состанокот посветен на решавање на хуманитарни прашања во тој регион.
На состанокот учествуваа и министерот за одбрана Сергеј Шојгу, министерот за надворешни работи Сергеј Лавров, шефот на Федералната служба за безбедност Александар Бортников и шефот на Министерството за вонредни ситуации Евгеније Зиничев.
„Ве собрав да разговараме за ситуацијата во зоната на конфликтот Нагорно-Карабах. Се надевам дека нема да ја користиме таа фраза повторно – конфликтот во Нагорно-Карабах, и се надевам дека наскоро ќе преминеме и на други прашања”, рече Путин.
Тој додаде дека прашањето за помош на населението е многу важно. Според него, хуманитарната состојба во регионот Нагорно-Карабах е тешка.
