Рафаел Надал го доби највредниот спортски орден во Шпанија откако ја освои својата 13. титула од Ролан Гарос, награда која досега ја имаат освоено само најпознатите шпански спортисти како Алфредо ди Стефано, голферот Северијано Балјестерос, Икер Касилјас, Чави и Андрес Иниеста.
34-годишниот Надал го декласираше Новак Ѓоковиќ за своја 20. гренд слем титула, израмнувајќи го рекордот на Роџер Федерер, и шпанската влада потврди дека тој ќе го добие „Големиот крст на кралскиот ред за спортски успех“.
Надал не е првиот тенисер со овој орден, откако Аранча Санчез Викарио и Кончита Мартинез ја добија наградата во 2001, а Мануел Сантана во 20001.
„Ако некој го заслужува кралскиот крст, тогаш тоа е Рафаел Надал. Напиша историја и си гордост на цела земја“, се вели во одлуката на Врвниот спортски совет на Шпанија.
Si alguien merece la Real Cruz del Orden del Mérito Deportivo, eres tú, @RafaelNadal. Eres historia y un orgullo para todo tu país. pic.twitter.com/yYfTqy8uUk
— CSD (@deportegob) October 13, 2020
> Рафа го доби највредниот спортски орден во Шпанија <
