Активисти од организации за заштита на животната средина во Германија се собраа пред Министерството за сообраќај во Берлин, барајќи веднаш да се прекинат сите проекти за изградба на аеродроми, автопатишта и магистрални патишта во земјата.
Демонстрантите се собраа пред министерството со транспаренти со натпис „Стоп за уништувањето на нашите елементарни ресурси“ и бараат да се прекине со сечата на дел од шумата Даненројдер, која започнала минатата недела, со цел пробивање траса за изградба на нов автопат, пренесе „Ројтерс“.
