Менаџерот на Манчестер сити, Пеп Гвардиола одби да биде вовлечен во разговори околу можноста да го донесе Лионел Меси на „Етихад“ откако Аргентинецот ова лето имаше неуспешен обид да замине од Барселона една година пред крајот на договорот.
Се веруваше дека само Сити со нивната огромна финансиска моќ можат да си го приуштат Меси, кој наводно сакал да работи со својот поранешен ментор. Гвардиола првпат јавно проговори за „сагата“.
„Нема потреба да објаснувам ништо. Лео го направи тоа доволно добро и немам што да додадам. Ние како клуб нема што да додадеме. Тој е фудбалер на ФЦ Барселона, клуб кој јас го сакам“, вели Гвардиола.
Тој исто така не сакаше да зборува за можноста следното лето Меси да пристигне бесплатно во Сити.
„Не знам, тоа е прашање за Лео Меси. Не можам да зборувам за намерите на другите луѓе“, додава Гвардиола.
> Гвардиола ги избегнува прашањата за Лео Меси <
