Данските власти објавија дека воведуваат нови ограничувања поврзани со јавните собири во 18 општини, вклучително и во главниот град Копенхаген. Одлуката е донесена по неодамнешното зголемување на бројот на заболени од коронавирус.
Од среда, бројот на луѓе кои можат да се соберат на едно место е намален од 100 на 50, објави Би-Би-Си. Работното време во рестораните, баровите и кафулињата ќе биде ограничено до полноќ.
Минатата недела во Данска беа регистрирани повеќе од 1.000 случаи на Ковид-19, што е најголем број на нови случаи во последните неколку месеци.
Регистриран е и зголемен број случаи во Копенхаген, повеќе од 190 заразени од почетокот на месецот.
