Поглаварот на Римокатоличката црква, папата Франциско, ќе го посети италијанскиот град Асизи на почетокот на следниот месец.
Тоа ќе биде негово прво патување надвор од Рим откако во февруари во Италија избувна пандемијата на коронавирусот.
Според „Ројтерс“, папата ќе замине во Асизи ден пред церемонијата во чест на Св. Франциско Асишки, кој бил роден во тој мал град во централна Италија, и ќе потпише нова папска енциклика, која ќе биде на тема за неговата визија за светот по пандемијата.
Како што рече претставник на базиликата во Асизи, посетата на папата ќе се одржи без присуство на верници.
