Капитенот на Барселона Лионел Меси вчера стави точка на една од најголемите сапуници во историјата на фудбалот. Меси ќе остане во Барселона откако му стана јасно дека клубот нема да го пушти да замине без обесштетување.
Денес од Барселона пристигна информација дека Меси на соиграчите ќе им се приклучи во понеделник.
Каталонските медиуми шпекулираат дека Роналд Куман има план да го стави Меси да игра како класична „десетка“. Според нив Барселона ќе игра широко со брзи крилни играчи. За местата на крилните позиции ќе конкурираат Ансу Фати, Усман Дембеле и Тронкао, додека низ средината би требао да напѓаат Меси, Антоан Гризман и Кутињо.
Меси веројатно ќе биде подготвен да настапи на првиот контролен меч, против Химнастик на 12 септември.
Барселона првиот меч во новата сезона ќе го одигра против Вилјареал на 27 септември.
> Познато е кога се враќа Меси <
