Барселона потврди дека еден од деветте фудбалери кои биле тестирани во вторникот пред стартот на нивната пред-сезона е позитивен на корона вирусот. Фудбалерот не е дел од првиот тим, кој во четврток патува во Лисабон за дуелот со Баерн Минхен во Лигата на шампионите и не бил во контакт со нив.
Во вторникот биле тестирани фудбалерите кои се враќаат на тренинзи, но не се дел од првиот тим: Франциско Тринкао, Педри, Матеуш Фернандеш, Рафиња Алкантара, Карлес Алења, Ориол Бускетс, Хуан Миранда, Жан-Клер Тодибо и Муса Ваге.
Ова е нов случај на заразени фудбалери во шпанскиот фудбал, откако претходно Атлетико Мадрид потврдија дека Шиме Врсаљко и Хуан Кореа се позитивни и нема да патуваат на мечевите од ЛШ во Лисабон, а потоа и Валенсија потврдија два позитивни случаи во својот тим.
One positive case of Covid-19 among the nine players starting the preseason. https://t.co/8wtNikt2mZ
— FC Barcelona (@FCBarcelona) August 12, 2020
> Барселона има фудбалер со позитивен тест на корона вирус <
