Алисон Кери (57), постарата сестра на пејачката Мараја Кери, ја обвини својата мајка Патриша дека ја принудувала на сексуален акт со непознати лица на возраст од 10 години, а во четвртокот поднела тужба во Врховниот суд на државата Њујорк, објави британски „Сан“.
Весникот открива дека во тужбата е наведено: „Обвинетата, која што е мајка на тужителот, дозволила и охрабрила машки лица чиј идентитет во моментов е непознат да вршат сексуален акт или сексуално задоволување, како што е дефинирано во казнениот закон во Њујорк, поточно присилно допирање и сексуален напад од прв степен, додека тужителот бил на возраст од околу 10 години.
Алисон (57), која претходно била проститутка и е ХИВ позитивна, во документите тврди дека ѝ е дијагностицирано посттрауматско стресно нарушување и депресија како резултат на наводната злоупотреба.
Алисон беше уапсена во 2016 година поради проституција, Таа тогаш сними видео за „Дејли мелл“, во кое апелираше до нејзиното славна сестра за помош.
