Шилегов во мај 2018 вети, но ги излажа „златните славејчиња“, дека во новиот објект на Универзалната сала ќе го слават 50-годишниот јубилеј, обвинуваат од советничката група на ВМРО-ДПМНЕ на Град Скопје.
„Трета година е градоначалник и нема никакви оправдувања за неговата неработа. Шилегов даваше ветувања дека Универзалната сала ќе биде реконструирана. Наместо да си ја префрла топката Влада – Град Скопје, всушност тој ја потврдува неговата изразена неспособност да решава проблеми“, се наведува во реакцијата на претставниците од ВМРО-ДПМНЕ.
Од таму додаваат дека Шилегов се однесува како подвоена личност бидејќи еден ден вели ќе ја гради Универзалната сала, друг ден вели ќе ја руши, а третиот, како што се вели, лее крокодилски солзи за салата и пак не нуди решение.
