Минхенски Баерн ја освои двојната круна во Германија, а ќе се обиде да стигне до трофејот и во ЛШ, но се соочува со две големи загуби летово.
Тиаго Алкантара изрази желба да си оди од „Алијанц Арена“, најверојатно ќе замине во Ливерпул, а „Билд“ пишува дека на излезна врата е и австрискиот репрезентативец, Давид Алаба. Тој наводно барал 20 милиони евра годишно, колку што има Мбапе во ПСЖ.
Проблемот е што клубовите во кои Алаба сака да ја продолжи кариерата (Реал Мадрид и Барселона) не можат да одвојат толкава сума за неговата плата. Отшетата за Алаба е 36 милиони евра.
Наводно, Австриецот не сака да оди во Премиерлигата иако Сити се заинтересирани за неовите услуги.
Тој сезонава играше пред се на позиција стопер, а претходно има настапувано и во средниот ред, па и на позиција десен бек.
Алаба има 28 години и за Баерн одигра 382 меча, постигна 31 гол и имаше 48 асистенции.
