Менаџерот на Ливерпул Јирген Клоп на напаѓачот на Викомб, Адебајо Акинфева, му го честитал пласманот во Чемпионшип дивизијата. Викомб Вондерерс прв пат во својата 133 годишна историја ќе играат во вториот ранг на англискиот фудбал.
Акинфева за кого велат дека е најсилниот фудбалер во светот, по мечот рекол дека единствена особа која може да му се јави да му го честита пласманот во Чемпионшип и да слави заедно со него е Јирген Клоп.
Германецот, кој сезонава стана шампион на Англија со Ливерпул му се обратил на Акинфева со .-порака на „WhattsApp“. Клоп во пораката му го честитал пласманот на Викомб во Чемпионшип на 38 годишниот напаѓач.
Are u crazyyyyyyy the man, the myth, the legend sent me a Watsapp. Today can’t get any better. Thank you Klopp #YNWA #Beast20 #BeastMode we did it #champHereWeCome ????? pic.twitter.com/9RgiKZkYt2
— daRealAAkinfenwa (@daRealAkinfenwa) July 13, 2020
