Судот за спортска арбитража (ЦАС) ја поништи одлуката на Фудбалскиот сојуз на Грција и на ПАОК му ги врати одземените бодови.
Грците го казнија ПАОК по жалбата на Олимпијакос дека сопственикот на клубот од Солун има дел и во Ксанти , што не е дозволено според правилникот на Фудбалскиот сојуз.
ПАОК остана без седум бода кои сега ЦАС му ги врати.
Со враќањето на бодовите ПАОК скокна на второто место на табелата веднаш зад Олимпијакос.
Инаку покрај ПАОК казнет беше и Ксанти. Казната за овој клуб ќе остане бидејќи тие не ја обжалиле одлуката пред судот во Лозана.
