Бракли, 30 јуни 2020 (МИА) – Вчера Мерцедес претстави нов дизајн на автомобилот, со кој ќе се борат за титулата оваа сезона. Со тоа, тимот ќе застане уште поцврсто против расизмот и започнува ново поглавје во својата историја, бидејќи „Сребрените стрели“ со години се сребрени и промената за нив е дефинитивно голема.
Во срцето на овој смел потег е нивниот пилот Луис Хамилтон, кој е отворен поддржувач на движењето „Black Lives Matter“. Учествува во протестите, активно ги користи своите социјални канали за да го изнесе својот став и смело ги критикува сите што молчат за ова прашање.
Шесткратниот светски шампион го покрена ова прашање пред еден месец и разговараше со тимскиот шеф Тото Волф. Тој вчера пред медиумите во Виена изјави дека Хамилтон побарал од тимот да даде поголема поддршка на каузата и да направи повеќе отколку само да објавува постови на социјалните медиуми.
Вака се појави идејата за промена на бојата, што денес гледаме дека е реализирано. Пораката „крај на расизмот“ и ознаката #WeRaceAsOne на Формула 1, која ја поддржува иницијативата за разновидност, се напишани на автомобилот.
Опремата на Луис Хамилтон и Валтери Ботас исто така стана црна.
The call to ‘End Racism’ will feature on the halo of both of our cars in 2020, and #WeRaceAsOne will be featured on the mirrors of the W11. pic.twitter.com/KYIEFWmEU5
— Mercedes-AMG F1 (@MercedesAMGF1) June 29, 2020
