Крива Паланка, 16 јуни 2020 (МИА) – В четврток, 18 јуни, ќе се спроведе првото годинашно прскање против комарци на подрачјето на општините Крива Паланка и Кратово.
– Во четврток во раните утрински часови, од пет до осум часот ќе се врши авионско прскање за заштита од комарци на подрачјето на општината, поради што ги известуваат пчеларите во времето на прскање и три до четири часа подоцна, да ги затворат кошниците со пчели заради можноста од влијание на средствата со кое се врши прскањето врз безбедноста на пчелните семејства, информираат од локалната самоуправа на општината.
Во истиот период, четврток, од 5 до 8 часот ќе се реализира и авионско третирање против комарци за 2020 година на територијата на општина Кратово.
Со третирањето ќе биде опфатено течението на Кратовска река од село Кетеново нагоре и целото градско подрачје. Во случај на врнежи од дожд, прскањето ќе биде одложено за следниот ден.иб/ир
