Скопје, 15 јуни 2020 (МИА) – Министерот за здравство Венко Филипче на прес-конференцијата нагласи дека предвидувањата на епидемиолозите во однос на податоците и во однос на исцрпувањето на контактите од анкетите што се даваа во изминатиот период, пред се на жариштата, се дека бројот на заболени ќе се намалува.
Но, истакна Филипче, сведоци сме дека даваат луѓето нови и нови контакти и оти има повторно случаи во места во кои има помал број на дијагностицирани, како во Ресен. Се се сведува, дециден беше министерот за здравство, на почитување на мерките.
– Мора да знаеме и да научиме дека мора да живееме со носењето маски и одржување дистанца. Доаѓа период во кој веќе поминато време добар дел од пациентите постепено ќе се отпушаат од болница. Но, не е суштината ние континуирано да имаме еден ист број или зголемување на пациенти, туку суштината е да го заштитиме здравствениот систем и луѓето да научат да се придржуваат до мерките. Нема друг начин на функционирање, нема да има кај нас ниту ќе има некаде во светот, појасни министерот Венко Филипче. цр/ац/
