Скопје, 8 јуни 2020 (МИА) – На 08.06.2020 во 01.35 часот, за време на забраната за движење, полициски службеници од СВР Скопје на ул.„Перо Наков“ ги затекнале М.Н.(24) и И.Б.(40), двајцата од Скопје, а од извршениот преглед кај М.Н. биле пронајдени прашкаста материја, таблети, два ножа и еден сигнален пиштол наполнет со три каписли.
МВР денеска соопшти дека двајцата биле приведени и по целосно расчистување на случајот ќе следи соодветен поднесок.
На 07.06.2020 во 23.00 часот било пријавено дека во двор на ул.„Мелничка“, поради претходно меѓусебно нетрпение, бил нарушен јавниот ред и мир со физичка пресметка помеѓу С.З.(42), М.В.(27), М.З.(37), И.З.(42) и К.З.(65). Сочинети биле записници за констатиран прекршок по член 11 од Законот за прекршоците против јавниот ред и мир.
На 08.06.2020 во 00.20 часот, Б.П.(52) од Скопје пријавила дека на 07.06.2020 околу 20.00 часот во село Орман, во комплекс згради во круг на детско игралиште, А.Т.М.(28) од Скопје со употреба на физичка сила и закана одзела мобилен телефон од нејзината 12 – годишна ќерка. Се работи на расчистување на случајот.
На 07.06.2020 во 12.50 часот било пријавено дека во село Крушопек, Ј.Ј.(55) од с.Крушопек, скопско, поради меѓусебно нетрпение, бил физички нападнат од Н.Ј.(61), Б.Ј.(39) и Б.Ј.(35), сите од село Крушопек. Сочинети се записници за констатиран прекршок по член 12 од Законот за прекршоците против јавниот ред и мир.
На 07.06.2020 околу 15.30 часот, на улица „Блок 70“ во Тетово, пред станбена зграда, полициски службеници на СВР Тетово пронашле марихуaна, оставена зад сандаче.
Марихуаната е фотодокументирана и подигната за вештачење. Се преземаат мерки за расчистување на случајот.
СВР Битола поднесе кривична пријава против У.Р.(48) од Ресен, поради постоење основи на сомнение за сторено кривично дело „напад на службено лице при вршење на работи на безбедноста“. На 22.05.2020, пријавениот со метален предмет физички нападнал полициски службеник кој вршел службени дејствија.
Надворешната канцеларија за криминалистички работи Берово поднесе кривична пријава против А.З.(22) од Берово, поради постоење основи на сомнение за сторено кривично дело „загрозување на сигурноста“. На 11.05.2020 на крстосница на ул.„Страшо Пинџур“ со ул.„Цветан Димов“ во Берово, при разминување со друго возило, пријавениот упатил вербална закана по животот на Е.А. од Берово и по животот на нејзиното семејство.
На 07.06.2020 во 18.30 часот, В.С.(32) од Тетово во СВР Тетово пријавил дека на улица „180“–Блок 70 во Тетово бил физички нападнат од С.С.(23), исто така, од Тетово, кој со уште неколку други лица, пред зградата во која живеел, го нарушувале јавниот ред и мир и биле предупредени од В.С. С.С. и В.С. се лишени од слобода и задржани во Полициската станица Тетово за расчистување на случајот.
Регионалниот центар за гранични работи Запад поднесе кривична пријава против С.Г.(51) од Скопје, поради постоење основи на сомнение за сторено кривично дело „употреба на исправа со невистинита содржина“. На 27.05.2020, при негово сместување во објект за државен карантин во Струга, пријавениот пред полициските службеници од ОВР Струга се легитимирал со исправа издадена на негово име во Италија, документ издаден во СР Германија и потврда од 21.02.2019 издадена од СВР Скопје, Одделение за управни работи, со која тврдел дека е странец и дека нема македонско државјанство. По извршени проверки, Одделението за управни работи при СВР Скопје, известило дека во нивните евиденции не била заведена потврда од 21.02.2019 и дека одговорното лице кое било потпишано на потврдата во 2019 година не бил вработен во МВР.
СВР Струмица поднесе 16 кривични пријави против: Б.В., С.С., Ј.В., К.П. и И.А., сите пет од Гевгелија, М.Ј., М.Ј., Т.П., А.К., В.Н., Д.М., Љ.Г., сите седум од Богданци, Г.Н. од Скопје, Р.З. од Чашка – Велес, Т.К., З.С., од Ѓавато – Богданци, поради постоење основи на сомнение за сторени кривични дела „непостапување според здравствените прописи за време на епидемија“. Пријавените не се придржувале кон воведената мерка за ограничено движење. цр/
