Седум лица беа пренесени во болница откако на летот на Јунајтед ерлајнс од Тел Авив до Њуарк, Њу Џерси, доживеа „тешки турбуленции“.
Во петокот, летот 85 на Јунајтед ерлајнс слета на меѓународниот аеродром Стјуарт (SWF) во округот Оринџ, Њујарк, по „силните ветрови“ во Њуарк, изјави портпаролот на Јунајтед.
Федералната управа за воздухопловство (ФАА) на својата веб-страница истакна дека авионот слетал околу 18:45 часот по локално време по извештаите за „потреба од итна медицинска помош“ во Боингот 787.
Во изјава за неколку медиуми Шефот на ЕМС службата Мајкл Биг рече дека седум лица биле пренесени во болница откако екипажот на авионот ѝ кажал на единицата за ЕМС дека авионот „погодиле силни турбуленции“.
„По пристигнувањето, нашата прва единица ЕМС на местото на настанот наиде на летачки екипаж кој изјави дека наишле на силни турбуленции при слетувањето во Њуарк и дека биле пренасочени на меѓународниот аеродром во Њујорк и го известиле нашиот екипаж дека има повеќе луѓе во авионот кои се жалеле на гадење и болка во градите од турбуленциите“, рече Биг.
„Прегледавме околу 30 луѓе, а 7 превезовме во локалната болница само за набљудување, без сериозни повреди или заболувања“, додаде тој во својата изјава.
ФАА ќе го испита летот.
